Suudan
Suudaanal baxaabaxsa le Difaaqittel akkuk geytimah yan Addaa kee addah Carbi lafitak lafitah yanim kee Suudaanak Kalalí Qande Blue Naayil Rakaakayal maqar le maysattaka fakak Itiyoopiyah Cuduudih (maadih)dariifal Geytimtah tan kaxxam Muhimmik tan Sissik Qandeh Difaaqitte Lowsiisseh tanim Tiysixxige.
Sudan Tribune xaagih raceenaa kee Chaynak Zinwah xaagih raceena elle Tiysixxigennal Suudaanak Kalali Qande Itiyoopiyah Cuduudut Raqtah tan Sissik Qokolih qande Difaaqittet Tatureh yan Itleenih carbi fakteh tanim kee Suudaanak Sissik Qandeh Difaaqittek 1 Kiilometrih Xexxaar le baaxo lowsiisseh tanim Qaddoosen.
Suudaanak Kalali Qande Itiyoopiyah maadut(Cuduudut) raqtah tan dariifal fakteh tan Carbil Sissik Qokolih Qandek mangoh tan qandeh adoytiit kee mangoh tan Qandê silaacitte lowsiisseh tanim Tiysixxige.
Suudaanak Fayyo caddoh miraaciini Qagaaqagitak ayyaaquk sugeh yan maybalaalaqal Itiyoopiyah doolat Sissik Qokolih qandee kee Tet qokoltah tan exxaaxih Qaskariyyoh silaacittee kee baxaabaxsa le Loojistiik Caagiida Tatrusak geytimta axcuk waytam xayyoosak geytimaanam takkay immay Itiyoopiyah doolat Tohum Dirabboosak geytimtam Yescessen.
Sudan Tribune xaagih raceena Suudaanak Qaskariyyoh miraaciinuk Geyneh nan Oytitte axcuk Xayyoosseh tan Xaagul Suudaanak kalalí qandee kee Tet Qokoltah exxaaxi Itiyoopiyah Cuduudut raqtah tan dariifa inki kabuuk Lowsiiseh Tanim Tiysixxige.
