Suudaan xaagu
Suudaanak Moddaqiinô malah buxah Saqalaay, Suudaan Qandek Saqalah yan Generaal Qabdulfattaac Al- Burhaan Turkiyah Prezidantih Yan Rajab Tayyib Ordugaanâ luk Turkiyak inaytâ magaala Ankaral angoorowuk walal kaalluk gexseh yanim Yiysixxige.
Generaal Qabdulfattaac Al-Burhaan Turkiya Fanah Taamâ gufne abem Suudaan Xaagih raceenaani Aysixxige waytem takkay immay Generaal Qabdulfattaac Abeh yan Taamâ gufne Turkiyah Xaagih raceenaani Edde yaabak geytimta.
Turkiyah Prezidanti Maktba Yeyyeeqeh yan maybalaalaqal elle qaddoosennal Turkiyah doolat Suudaanal akkuk geytimah yan Carbi Soolissuh Macalak geytimtam Qaddoose.
Suudaanak Kalali Qandeh Saqalah yan Generaal Qabdulfattaac Al-Burhaan kee Turkiyah Prezidanti Rajab Tayyib Ordugaan Dariifâ caagiidal walal gexiseenih yaniinim kee baxsa luk Turkiyaa kee Sudaan Fantaaxaw kee Qalla elle maqarroosaanam duudan gurral baar luk walaleenim Yescessen.
Tama bisle Gurral Suudaanak Kalalí qandeh Saqalih maktab elle qaddoosennal Generaal Qabdulfattaac Al-burhaan Turkiyat Taamâ gufne akah abem Turkiyaa kee Suudaan Angaaraw kee Qalla maqarroosu kinnim Yiysixxige.
Tama maktab elle Diggoosennal Turkiyah prezidantii kee Suudaanak kalalí qandeh miraacih fanal yekkeh yan walalal namma baaxoh fanal sittâ luk cattiimak elle taamitaanam duudan Langittel walaleenim kee Turkiyaa kee Sudaan Ummattah Tuxxiiqitte geysiissah tan Langittel(exxaaxil) Sittâ luk Cattiimak taamitoonuh Walaleenih yaniinin Diggoosen.
