Masri Prezidantih yan Qabdulfattaac Al-Siisi Asaakih Ayro axcih January alsak 18/2026 Ayyuntiinô retteemak Twitteril (X) Tatruseh yan farmol Ameerikah Prezidanti Kaah Ruubeh yan farmo Kaa gufteh tanim qaddoosak Ameerikah Prezidanti Dariifaa kee baadal salaam kee Sabahalaal akah ginniimannah abak geytimah yan Faxxiima macal Kaxxaam assakoote axcuk yaabem yescesse.
Tonnaah Masri Doolat Dariifal saay kee Salaam ginniimuh Abak geytimtah tan macal Masri doolat digirak geytimtah tan doorih mamaaxaga yeceem Kaxxaam assokoote axcuk yaabem Qaddoosen.
Prezidanti Qagisaak iyyeemih Ameerikah Prezidanti Donald Trumpi Abbay(Naayil) Weeqayti Masrih leh yan tuxxiiq cubbit haak Yeceeh yan hangih kulsa le gadda gacsa axcuk yaabem kee Abbay (Naayil) weeqayti Masri ummattak Mano kinnim Yescesse.
Masri doolat Nasyil (Abbiy) weeqaytuk guba raqtah tan baaxooxâ luk Baad madqaak ugutak cattimtuu kee Walaltuh Kaxxa fayxi lem qaddoosak Tohum kaadu Naayilik gubat raqtah tan baaxooxah fayxi elle kibbimtam duudumtannal Taamitaanam faxximtam qaddoosem kee Masri mablaa kee fayxi kaadu Toh kinnim yescesse.
Abbay weeqaytih Kookaxawah calli geysiisoonuh Donad Trumpî luk taamitoonuh Gulguluh yanim Qaddoose.