Ruusiya Ukreenik Inaytâ magaala Kiyeevit gexisseh tan maysattakat Dagnal 4 yakke mari edde rabeh yanim Yescessen.
Kiyeevik Tekkeh tan maysattakat 40 takkeh tan aroocat Kaxxa Qawwalaylaa kee Finqi yoofeh yanim kee 60 daga yakkeh yan mari edde biyaakiteh raaqem Qaddoosen.
Ruusiyah Prezidanti Viladmiir Puutin elle qaddoosennal Ukreen Luhaniski Diqsitah yan Kolleejit abteh tan maysattakat 18 yakke mari edde rabeh yanim kassiisak Ukreenit Faxxiimta Canê gacsi maysattakooki gexiseleemih Farmo tatruseh yanim Warsan.
Ruusiyah doolat 600 takkeh tan diroonitteey Qaran kee baaxok 90 daga takke Misaa-ilittet Ukreenik Inaytâ magaalat kaxxam Gibdih tan maysattakooki gexisseh tanim Qaddoosen.
Ukreenik Qaran kalalih Silaacitte 549 takke diroonitte kee 55 takke misaa-ilitte baxqissem kee 19 takke misaa-ilitte kaadu Akah ruuben Arooca gufekkah Raddeh tanim Ukreen doolat Tiysixxige.
Ukreen Prezidanti Zelaniski abeh yan yaabal iyyeemih Ruusiya Edde koositoonu duude waanah yanin Qusba misaa-ilittet Ukreenik Inaytâ magaalat maysattaka abtem Yiysixxige.
