Iran
📌Iraan doolat Teyyeeqeh tan maybalaalaqal elle Qaddoossennal Ameerikah doolat Iraanat carbi abtam dooritte Carbi dubuh Iraanat mayaadiyay Dariifal inkih fixiixah yan kaxxa carbi akkelem qaddoosak Iraan Carbii kee Walalah inkih Gulguluh tanim Tiysixxuge.
📌 Iraanak Irô caagiidah malaakah yan Qabbaas Qarakji elle Yiysixxigennal Dariifal Salaam kee Sabhalaal diggoowuh Walal Gita Doorittah tanim Aysixxiguk Ameerika Too doorit Cinak Iraanal carbi faktek Iraan Carbih faxximta tan Gulgulussok gaba kalteeh bicteh geytimtam Qaddoose.
Iraan Qandek Edde Caba Saqalah yan Amiir Caatimi abeh yan yaabal iyyeemih Iraanak Ellecabo fanah Koostnuh (Kalalinnuh) gulguluh nan axcuk yaabe.
Iraan Murshudih yan Aayaatullah Qali Khamaani elle qaddoosennal Ameerikah doolat Iraanat carbi abtek Tama carbi Inkih yan Fanti maacal Fixiixu waah yan Carbi kinnim Yiysixxige.
📌Aksiyoos Xaagih raceena elle Ameerikak Fayyo le miraacak geyne oyta axcuk elle qaddoossennal Ameerikah doolat Iraanâ luk sittin gey caddo Guftaamih Saami kaxxaam dogoh yanim Diggoose.
📌Iraanak Qawwalaylâ kalalih maktabih Saqal elle Qaddoosennal Iraanak Insytâ magaala Tahraanal ummattak maysattakâ qawwalaylak edde reebimtuh 82 takke baaxoh addah baaburih fanteenaanih (Mitro) bicseenih yaniinim kee Tokkeh addal ummatta Takmeeh taaqabeemih ayfaafitte bicisak geytimaanam Qaddoose.
📌Tonnaah 300 takke Kokkobê Soolisiyyih arooca (Parking) Qawwalaylâ reebuh biciseenih yaniinim kee Iraan missoosseh tan Qawwalaylâ reebih aroocal 2.5 takkeh tan Ummatta edde cattimtam duddam Yescesse.
