Yallok daga raqta dariifal carbi Carbi gulgulusso ayroorah akkuk sugem Asaaku basxsa leemih Caraa mereet kee Tigray qande abteh tan carbil Addah itta Oobesseeh kaxxa giraari ittal Aaguruk asseemih oytitte Yallô dariifak geyak geytimna.
Takkay ikkah Namma Tigray carbi ittat elle abak geytimtam namma gambi kinnim warsan.
Tohum Yallok daga raqtah tan Qaleelak xawaytoo kee Cumortô dariifa kinnim Yescessen.
Caraa mereet kee Tigray qande Carbi sittat elle abak geytimtah tan dariifal Qafárak baxsa le Caylaa kee Cule kala isinni baaxoh kunnabna dacrisoonuh Isinni difaaqitte diggooseenih geytimaanam warsan.
Carbi ittat abak geytimtah tan namma exxa Qaleelak Uxih itta Oobisekkah tanim Too dariifak geyneh nan oytitte Tascasse.
Yalloh Ummattaa kee Duffuumiyyah Tu gactek :-
Kaxxa giraarik bohoyte Yalloh ummattay Dumaak carbi gibdaabina Tubleh sugte Namma gambil duffumtem naabbe.
Xeflih Duffumtem Barri ummattak muxxi magaalah ummattal kulsiimih oytitte tan Axcih Yallok 3 sidiica magaalah ummatta baxsa luk Gubbi doraay,Mannaafeshâ kee Dibbinah ummatta Namma Gambil Fixiixak duffumteemih Oytitte Tanim warsan.
1-Barrit raqta Walqê fanteena fanah duffumte exxaa kee
2- 4 haytô rasuk inaytah raqta Golinak Kalluwaan magaala fanah duffuumte Ummattah yaniinim warsan
Kaxxa Taqabih tanim Walqê fanteena fanah duffumteh tan ummatta elle duffumtem barrih tan dariifa kinnuuk Maaqidda kee Sahdaytuh rakiiboh tan ayfaafitte taqabitte geyaanamih caddol taqabi yanim warsan.
Too dariifah ummatta elle gexxe gambi Merrayti gititteh taqabitte leemih taagah ummatta gersi dariifa fanah akak Tasillime gititte kaxxa taqabi leemih taagah Maaqiddi caddol Too Dariifah ummattah wagta dagar hangi yeceem faxximta.
#Golinak_Kalluwaan Gambil Duffumteh tan Ummattah tu gactek Faxximtah tan Qokolitte Akak wadbisan gititte leemih taagah Duffumteh tan ummatta hanaawisaanam faxximta.
Qusba oytitte Tenek #Afar_Voice kattaatak Siinih xayyooselek nee kattaata!