Al -Siisii kee Rajab Tayyib Ordugaan sittâ luk yeyyeeqen maybalaalaqal elle qaddoosen innah Gazzak Girâ soolô sittin geyih ximmooma inkih elle faxximtannal abbinoosaanam faxximtam Qaddoosen.
Masrih prezidantii kee Turkiyah Prezidanti Masrik Inaytâ magaala Al-Qhaahiral Namma baaxoh fanal Tellomô Taamoomi Maqarroosoonuh Gexisak Sugeenih yanin Koboxuk ellecabol abeenih tanin walal Gazzal gabqasâ mano dacrisoonuuy, dariifâ sabhalaal diggoosoonuh Sarrimaane le girâ soolo fanah akah gufan innah Israa-il doolat Hebeltô maysattakookii kee Qaskariyyoh maaqattooti soolissam faxximtam Diggoosen.
Turkiyah prezidantih yan Rajab Tayyib Ordugaan Gazzal Salaam diggoosoonuh akkuk geytimtah tan macalitteh kaxxa hangi acayuk taamitak geytimtam qaddoosak Falastiin caagidih Masrî luk loonuh yanin inki Ajendal Kulli waqdi gazzah caagid qimbot loonum kassiise
Masrii kee Turkiyah prezdantitte tannah tan maybalaalaqooqi Ayyaaquk geytimaanam Dariifâ salaam kee Sabhalaal geysiisoonuh akkuk geytimtah tan Diplomaasî macalitteh caddol Masrii kee Turkiya kaxxa doori digirak geytimtam yescessen.