Dagoo Ayrooraak Lakal Samarâ Magaalal Sidiica gaysal tan Qafar ummatta tassagalleh tan Qafar Madqa UNESCO tankattabuh baxaabaxsa le Miroctiiy, Mixigitteey, kusaq-abeenitiiy, Madqah abbobtii kee Ayyuntí exxaaxi edde tangalu wayta Konferensih taakume bicitte akkuk geytimta
Rakaakayak Naharsí Saqal Cajji Awwal Qarba yeceeh yan afkanal akkuk geytinta gulgulussok exxah teenah Ciggiila Perezxentih Bilhadal Meqe Xiinissoh Kilasterih Koobaahiseey, Doolat Daddoosih Eglaalik Naharsí Taama gexseh yan Acmad Cuseen Miraacisah yan Rakaakayak Fayya le Miraaciinih Erga Djiboutih Ummuunot gufne aben.
Tama gufnel Djiboutih Ummuunok Naharsí Malaakah yan Abdulqhaadir Kaamil luk yongooroweenih walalen.
Naharsí Malaakih kutbeh buxal yekkeh yan walalal Cajji Awwal Qarba ruubeh yan farmo kaat tabisak Qafar Madqa UNESCO tankattabuh Djiboutih Ummuunol geytintah tan Qafar Tutaaxagoo Kee Madqâ tutaaxago sinni doorik elle yawqeenim duudan cogdaadil malisen.
Qafar sidiica-amok Koomiyaatal loowinta maglableela edde angalele kak axcuk qammaalan nabah yan tama Konferensi Caxah alsak (February alsaay sanat 2026 Samarâ Magaalal akkele axcuk qammaalan.
Gersi katuk, Rakaakayak Fayya le Miraaciinih erga Djiboutih Ummuunol geytinta Ityoppiyah Safaarat ‘Embassy’ gufne abak Djiboutî gitaak Samara fanah Konferensit yangaluh gexa Qibini hebeltô taqabi sinnim Wadbitoonuh Embaasi katuk takkem faxxinta taamoomil fidin walal abak ittin-gey gufeenim timixxige.
Raceena: Afar Mass Media Agency