Eretriyak Maysaxxagâ malaakaah yan Yamaane Gebremeskel Ayyuntiinô retteemak Twiiteril(X) Tatruseh yan maybalaalaqal iyyeemih Itiyoopiyak Irô caagiidah malaak Eretriyal Xayyooseh yan waytok Darret Gersi caagiida Tanim Kassiisak Itiyoopiyah doolat 2 Sanatih gideh Eretriyat Muknooy xagaa kee Baatil gaadu abak geytimtam Yescesse.
Eretriyah doolat Teyyeeqeh tan maybalaalaqal Itiyoopiyal Gacisseh tan raddil Itiyoopiya Dumaak akah abtannah Eretriyal baatil haak geytimtam kassiisak Awayih udduur Itiyoopiyah doolatih edde gexsitak geytimtah tan gexsit Maqana sinni gexsit kinnuuk Eretriyah doolat maqna sinnih tan caagiiday Hebeltô tû xiiqitte sinnit Cultaamih fayxi malim Tama maybalaalaqal qaddooseenim kee Itiyoopiyah doolat Eretriya naqboyta axcuk Fakeh yan Naqboytiini Gaadi Kaxxam Qawwalayla afkanitte fanah gexak geytimam yescessen.
Eretriyaa kee Itiyoopiyah fanal sugeh yan angaaraw Awayih udduur Kaxxaam uma caaloota fanah afkunuk geytimam kee Eretriyah Doolat Itiyoopiyah doolatal raddi gacisak Teyyeeqeh tan maybalaalaqaak ugutak Namma baaxoh fanal Sugeh yan taqabi lafsiisak lafsiiselem Qaddoosan.
Eretriyah Doolat Elle qaddoossennal Itiyoopiyah doolat Eretriya Wagsiisak Qagaaqagisak Tayyaaqeh tan maybalaalaqoolil Eretriyak migaq baysa abak Dariifal Qusba carbi gintuh Itiyoopiyah doolat edde antifiquk geytimtah tan Cogdaadi kinnim Tescesse.
Itiyoopiyak Irô caagiidah malaak Eretriyah ruubeh yan Farmoh ayyuftal Eretriyah qande Itiyoopiyak lowsiisseh tan dariifak Tawqem faxximtam kee Walalah gulguluh gactam faxximta axcuk elle yaabeh yen.
