news Politica
Suquudiyak Irô caagiidah malaakah yan Amiir Feysal Bin Farcaan Bin Qabdalla Kimaalih Ayro axcih Fabruary alsak 11/2026 Itiyoopiyat Taamâ gufne abeh yanim kee Itiyoopiyaa kee Suquudiyah fanih Fantaaxawaay, dariifah Amnii kee Itiyoopiyak Suquudiya fanah Safartah tan dabboh Xiina Wagsiisak Angaarawitte abak geytimaanam yescessen.
Suquudiyak Irô caagiidah malaak Teyyeeqeh tan maybalaalaqal elle Tiysixxigennal Suquudiyak Irô caagiidah malaak Itiyoopiyat abeh yan Taamâ gufnek hadaf Dariifal tanih tan Qusba caaloota wagittaamal walaloonuu kee dariifah Amnii kee Sahalaal maqarroosoonu kinnim yescessen.
Itiyoopiyak Naharsi Malaakah yan Dr Abiyyi Acmad Ayyuntiinô retteemal Tatruseh yan Farmol elle qaddoosennal Suquudiyak Irô caagiidah malaakah yan Amiir Feysal Bin Farcaanat Angoorowuk baxaabaxsa le Ammuntittel baar le walal kaalluk gexseh yanim diggoosem kee Gexseenih yanin walal Kaxxa hangi akah yeceenih yaniinim Namma Baaxoh fanih angaaraw maqarroosoonuuy, Suquudiyaa kee Ititoopiya baxaabaxsa le caagiidal sittâ luk cattiimak taamitoonuu kee dariifaa kee baadal tanih tan Qusba caaloota wagittaamal tanih tan oytitte sittal tabisak namma baaxoh miraaciini sittâ luk cattiimak elle taamitah yan gitittel walaleenim qaddoosenSuquudiyak Irô caagiidah malaak Itiyoopiyat Taamâ gufne abeh yanim Itiyoopiyak Irô caagiidah malaak Dr Gidyoon Timootiyoos A ayyaamak afal Suquudiyat Taamâ gufne abek lakal Tekkeh taamâ gufne kinnim warsan.
