Itiyoopiyak Irô caagiidah malaakak maxco gabbaaqeh yan Ambaasadder Nabiyyaat Getachew Elle qaddoosennal Itiyoopiyah doolat Qasa badih furda (marso) geytaamih fayxi lem Tiysixxigeek gamadal Masri doolat Itiyoopiyak Naqboytiit Gaaboosak geytimtam kee Itiyoopiyat mukno abak geytimtam Yiysixxige.
Ambaasadder Nabiyyat Getachew Baaxoh addah miixiyah yeceeh yan Ayyaam maybalaalaqal iyyeemih Itiyoopiyah doolat Moddaqiino le Qasa badih furdah Geytaamih caagidih Qimboh Hangi akah ucuyya hayteh taamitelem tiysixxigeek Gamadal Masri doolat Itiyoopiyah saduh maqar luk taamitak geytimtam kee Mukno celtah tan Baatilitte abak geytimtam Qaddoose.
Itiyoopiyak Irô caagiidah malaakih maxco gabbaaqe Elle diggoosennal Itiyoopiya Qasa badih Furda Salaam kee Diplomaasî gititteek geytuh abtah tan macalitte maqarroosak gexelem diggoose.
Itiyoopiyak Irô caagiidah malaak Ta mabla xayyoosem Masrik Irô caagiidah malaak Badri Qabdulqaatii kee Masri Merrayti malaak Kaamil Al-Waziir Eretriyak inaytâ magaala Asmarat gufne abak Eretriyah Prezidantî luk walal gexseenimiik ugutak abeh yan yaab kinnim qaddoosen..
Masri Erga Eretriyat abteh tan Taamâ gufnel Masrii kee Eretriya Baddi Tranisportii kee Qasa badih furdaadih xiinissoo kee Nagay aniina(Amni) Qasa badih Saacilittet geytimtah tan baaxooxa wagittam kinnim qaddoosen..
Eretriyaa kee Masri doolat Qasa badih fudaadii kee Baadak Tellemmô maraakib Qasa badaak abtah tan Safaral Qasa badih Amni diggoosoonuh Sittâ luk cattiimak taamitoonuh Sittin gey abeenih yaniinim Tamixxige.
