Tigray rakaakayak Baxaabaxsa le dariifal Qunxaaneyta Caylah (Dirkih) Qaskariyyoh Culusaanamih Gaadu qimbiseenih geytimaanam Oytitte awquk geytimtam kee Tigray rakaakayih ummattaay, Sadi missiynaanii kee Adam baxi cakkih tangiicilleh tan missoynaani Tigray rakaakayal kaxxa bohoy uguteh yanim qaddoosen.
Tigray Rakaakayal Qunxaaneyta Qaskariyyoh akah culusak geytimaanam Tigray rakaakayal Carbi Qusbaddah Uguteleemih bohoy yanim Yesecessen.
Tigray rakaakayih Xaylo baxaabaxsa le Xaagih raceenaanih elle qaddoosak geytiman innal Tigray rakaakayih xinto Tigray Qunxaaneyta Dirkih Qaskariyyot Culusoonuh Baxsa le gaadu Gexisak geytimaanam Yiysixxigen.
Akusum Jaamiqatih Barseeni Elle qaddoosennal Aksum kee Dariifal geytimtah tan Fanti Tigrayih Rasittee kee Daqooritil Tatureh ayyaamah kaxxam maqar gaadu gexisak Qunxaaneyta Dirkih Qaskariyyoh beenih yaniinim Qaddoosem Kee Too dariifal Tigray qande Buxaaxi Sinaamal Culak buxa Akah yemeeten Qunxaaneyta geenik beenim kee Gee weenik Gersi qunxaaneyta beenih gexeenim Yiysixxige.
Mekelê magalaal Baxaabaxsa le xaagih raceenaanih Oytitte Yeceeh yan num Elle Qaddoosennal iyyeemih:Tigray Qande Qadwâ gitittel Ayyunti edde yantifiqeh Merraytu Gital Soolisak Qunxaaneyta Dirkih Qaskariyyoh beenih yaniinim Yiysixxige.
Tigray rakaakayal away akkuk geytimah yan Qunxaaneyta Qaskariyyoh beyaanimih Gaadi Tigray rakaakayal Qusbaddah Carbi Qimbiseleemih Astooti Kinnim Qaddoosak Tigrayak Sadi Missoynaani Kaxxa Bohoy lem warsan.
Tigray amô baxxaaqah parti Galli maroh eglah Afrikah inkittiinoh eglaa kee baadak adam baxi cakkih Tangiicilleh tan missoynaanih Tuktubeh tan Farmoh Ayyuftal Cuwaacat(TPLF) kee Teetî luk Fantaaxaw leh tan Qaskariyyoh butta Inkih yan Tigray rakaakayal Qunxaaneyta Dirkih Qaskariyyoh beyak Geytimaana axcuk Weeqâ farmo Tatrussem warsan.
Tonnaah Salsay wayyaaneh Partiiy, Baytoonah Partii kee Getachew Redda miraacisah yan Simret Missoynaani Teyyeeqeh tan maybalaalaqal tigray Rakaakayal Qunxaaneyta dirkih Qaskariyyot culusaanam Maqar luk Yessecekken.
