Xaagu
Ayrô mawqah afrikak Daddoos Missoyna(IGAD) Awlisak Yamaate Itleenih Itiyoopiyal Gexsittu waytah tan Agat Dooro Kattaattuh (Tasseleelequh) Temeeteh tan Dr Speeziyooza Wandira Miraacisah Yan Erga Itiyoopiyak Adam baxi Cakkih Missoynah maktabat Taamâ gufne abeenih yaniinim kee Itiyoopiyak Adam baxih Cakkih Komishineerih yan Birhaanu Adlo luk Angoorowuk Itiyoopiyak agat dooroh caaloota kusaaqisoonuh Fidin walal gexseenih yaniinim Timixxige.
IGAD ergaa kee Itiyoopiyak Adam cakkih missoynah miraaciini Itiyoopiyal takkem faxxah tan Dooroh kattaat taamoomiiy, Doorô gexsitih addat Adam baxi cakkih dacayri Takkuh beyaanam faxximtah tan maaqattootiiy, Tonnaah Dooro Wagsiisak uguttah tan wayto(Weeqaa) ginnimtah tan Caaloota Wagsiisak Tanih tan Gexsititte maca celtah tanim Kusaaqisoonuh walal gexseenim kee Namma exxa Qidiinoo kee Masuuliyyat Taamitaanam faxximtaamal Fidinuk walaleenim Yiysixxigen.
IGAD Egla Awlisak Temeeteh tan Erga Itiyoopiyak Adam baxi Cakkih Missoynah maktabih addal geytimtah tan Taamah exxaaxi baxsa luk doorô kattaatih Exxat Gufne abteh tanim Qaddoosen.
IGAD Missoyna Itiyoopiyah xaagih raceenal Tatrusseh tan maybalaalaqal Itiyoopiyah doolatih Esserook Ugutak Itiyoopiyal Doorô gexsit Kattaatah tan butta rubteh tanim Tiysixxige.
IGAD Missoyna Teyyeeqeh tan Maybalaalaqal Elle Tiysixxigennal IGAD Mussoynak Doorô kattaatih Butta Itiyoopiyak baxaabaxsa le Rakaakayitteey, Addis ababaa kee Dire dawah Magaalah Xiinissoosal Amolladih Doorô gexsititte kattaateloonum Tiysixxige.
