Israa-il qande Gabbi Qaxih Lubnaanak Cuduudut geytimtah tan magaaloolut Gibdih tan Qaran maysattakooki gexisak geytimtam Kee Israa-il Qande Lubnaanal Gexisak geytimtah tan Qaskariyyoh gaadu Bisoh haak geytimtam Qaddoosen.
*******
Lubaanak Doolat Xaagih raceenaani elle qaddoosennal Israa-ilik Qaran qandek Carbi Tayaayir Gabbi qaxih Lubaanak baxaabaxsa le magaaloolut Bombittê maysattaka gexisseh tanim Tiysixxige.
Tonnaah Israa-ilik Qilsi silaacitteh qande Tankitteey kee Madaafiq kee Dishkat Gabbi qaxih Lubnaanih magaalool Aaguruk geytimtam Qaddoosen.
Israa-il qande Gabbi qaxih Lubnaanat abak geytimtah tan maysattakookiik gexxaamah Taham fanah Gabqasak Edde rabtem kee edde biyaakitteemih Ixxima Awqekkah tanim Warsan.
Tama Bisle Xaagul Israa-il Qande Gabbi qaxih Suuriyat Raqtah baxaabaxsa le Dariifa Fanah Cuduuduk Tabak geytimram kee Israa-il qande Suuriyah addal baxaabaxsa le Qaskariyyoh angagoyyitte abak geytimtam Suuriyah Xaagih raceenaani Tiysixxige.
Tonnaah Israa-il qande Ayrô culma Suuriyah dariifa Culak gitittel Qusba Fukkooqô fanteenaani Daffeesak feytimtam warsan.
Suuriyah Miraaciini elle qaddoosennal Israa-il qande Suuriyah Cuduudittek addah culak Abtah tan Qaskariyyoh Angagoyyitte Suuriyaa kee Israa-il fanal sanat 1974 Abeenih yanin Salaam Sittin geyit (Disengagement Agreement) taaqateh tan abtoota kinnim Qaddoosen.
