Fanti maacih Xaagu
Iraan kee Israa-il Maysattakooki Sitta abak geytimtam Qaddoosen.
********
Iraan doolat Israa-il Lubnaanat maysattaka Abryyo axcuk mango udduuruh maabinâ farmo Ruubak Sugteemiik lakal Kimaalih Ayro Israa-ilik Qaran Qande Lubnaanak Inaytâ magaala Beyruutut Maysattakooki abteemiik Ugutak Iraan Qande Israa-ilik Baxaabaxsa le Magaaloolut Misaa-ilittê maysattaka gexisseh tanim Tiysixxige.
Iraan Qande Sidiica Gexah tan Misaa-ilittê maysattakooki Israa-ilik Inaytâ magaala Talaaviiv Edde anuk Baxaabaxsa le magaaloolut Gibdih tan Maysattakooki abteh tanim kee Israa-ilik Qaran Qande Iraanak inaytâ magaala Tahraan kee kalah tan magaaloolut Canê gacsi maysattakooki abteh tanim Qaddoosen.
Ameerikah Prezidanti Donald Trumpi Fanti Maacal Carbi Qusba gurral Ugutaamak Israa-ilik Naharsi malaak Binjaamiin Natanyaahok Iraan Abteh tan maysattakookil Canê gacsi maysattaka maabina axcuk Essereh yanim Takkay immay Israa-ilik Naharsi Malaak Iraanat Faxxiima Gabâ gacsi akah yakkennah Amri Tatruseh yanim Qaddoosen.
🟥 Iraan Gexisseh tan misaa-ilittê maysattakaak gexxaamah Fanti maacak baxaabaxsa le baaxooxa Qaran Merraytih Gititte taamak soolissem Tiysixxige.
🟥 Iraanak Qaran merraytih Saqlah yan Majiid Akhwaan elle qaddoosennal Amnii kee Salaam caagiidah Caalootah Kusaaqaak ugutak Iraanak Ayrô culmah Exxal Qaran merraytih gititte Alfeenih yaniinim Yiysixxige.
🟥 Suuriyak Qaran merraytih Missoyna elle qaddoossennal Fanti maacal Iraan kee Israa-il fanal Away uguteh Carbiik ugutak Gabbi Qaxi Suuriyal 12 Saaqatak Qaran merraytih gititte alifteh tanim qaddoosse.
🟥 Qiraaqhak Qaran Merraytih Saqal elle qaddoosennal Dariifal ugutteh tan Taqabitteek gexxaamah Qhiraaqhal Qaran merreytih Gititte Inki kabuuk Alifteh tanim Tiysixxige.
🟥 Jurdaanak (Ordonuk) Qaran merraytih Saqalah Yan Saamir Al-Majaali Elle Qaddoosennal Jurdaan doolat Qaran merreytih gita Alifteh tanim Yiysixxige.
