Itiyoopiya-Soomalilandi
Soomaaliyak Federaal Doolatak Baxsimeeh amô baxxaaqa le doolat kinniyo axcuk Baadak Doolatiiní mamaaxag esserak geytimtah tan Soomaalilandih doolat Itiyoopiyah Baddí furda Tacayuh Itiyoopiyah doolatâ luk Sittin gey abteh sugtem takkay immay Soomaaliyah doolat Maqar luk Saddeemiik ugutak Itiyoopiyah Teceeh sugteh tan Baddí furdah caagid fanaak Sooleh Sugem Takkay immay Soomaalilandi Awayih udduur Itiyoopiyah Baddí furda Qusba gurral Taceemih fayxi lem Tiysixxige.
Soomaaliyak Afrikah Siyaasâ caagiidah tutaaxago elle qaddoossennal Soomaalilandi Itiyoopiyah Baddi Furda Teceeh Soomaaliyaa kee Iriyoopiyah fanal Qusba Kookaxaw kee Naqabi Ugugtelem Qaddoosen.
Soomaalilandih doolat Qadan badal baddi Saacilik 740 Kilomeetir Tekkeh baaxo leh tanim kee Baxsa luk Qasa bad kee Hindi bad elle Tangooriweh tan Baddi Saaciltte leh taniimiik Ugutak Soomaalilandi Baddi Marsoosah Caddol kaxxa Istiraateeji leh tan baaxo kinnuuk Israa-il kee Ameerika Soomaalilandil Baddí Marsoosaa kee Qaskariyyoh fanteenaani Yaalloonuh Macalak geytimaanam Qaddoosen.
Soomaalilandik Irô caagiidah malaak Qabdurracmaan Taahir Adam Baxaabaxsa le Xaagih raceenaanî luk abeh yan yaabal iyyeemih Itiyoopiyah doolat Baddi Furdaadi(maesoosa) Geytaamih Cakki leemih Taagah Itiyoopoyah doolat Baddi Marso geytam Kaxxa muhimmik Tanim Qaddoosak Soomaalilandih doolat Itiyoopiya Faxxah tan Baddí furda Geytuh Walal Teetî luk Abtuh Gulguluh yaniinim qaddoose.
Sanat 2024 Soomaalilandih doolat Itiyoopiyah doolatah 20 Kilometri Yakkeh yan baddi Saacilil Furda Haysittuh Mardeh(Kirah) teetih yeceenimih Sittin gey abeenih sugeenim kassinna.
Tohuuk gexxaamah Soomaaliyaa kee Itiyoopiyah fanal kaxxam gibdih yan Siyaasaa kee Diplomaasî taqabitte ugutteh sugtem takkay immay Turkiyah doolat malakmisah gacak Ken bicisseh sugtem warsan.
