Eretriyah Xaagu
Eretriyak Maysaxxagâ malaakah yan Yameene Gebremeskel Elle qaddoosennal Eretriyah Prezidanti Isayyaas Afeworki Kimaal Carra Masrik inaytâ magaala fanah Taamâ gufne abeh yanim kee Qhaariyah Tayyaarâ booxal Masrik Fayyo le miraaciini Garayyo kaah abeenih yaniinim kee Prezidanti Isayyaas Afeworki Masrit abah yan Taamâ gufnel Sidiica(3) Ayro Sugelem Qaddoosen.
Eretriyah Prezidanti Taamâ gufne Masril Sugu waah yan Sidiica Ayroh addat Masrí Prezidantih Yan Qabdulfattaac Al-Siisit Angoorowuk Eretriyaa kee Masri fanal Madduur Kee Merrayti Caagiudah langittel Loonuh yanin Angaaraw kee Qalla maqarrooseloonum Yescesse.
Tonnaah Masri Prezidanti Qabdulfattaac Al-Siisii kee Eretriyah Prezidanti Isayyaas Afeworki Afrikah Gaysaay Qasa badih dariifal Awayih udduur Tanih tan Caalootaa kee Fanti maacal tan Caaloota wagittaamal Fidin walal Gexiseloonum Axcuk Qambaalan.
Isayyaas Afeworki Miraacisak Masrit Taamâ Gufne abteh tan Eretriyah Ergat Eretriyak Irô caagiidah malaakah yan Qusmaan Saalic yanim Yescessen.
Tatureh yan Alsah Masrik Irô Caagiidah malaak Dr Badri Qabdulqaati Miraacisah yan Erga Eretriyat Taamâ gufne abteh tanim kee Tama Erga Eretriyak Fayyo le miraaciinut Angoorowuk Masrii kee Eretriya Qasa badih Amnii kee Qasa badih Furdaadih Dadlisiyyih caddol Namma baaxo Sittâ luk cattiimak elle Taamittam Xiqtah tan Gititte Walaleenih yaniinim Qaddoosen.
e
