Baad Xaagu
Israa-ilik Chanal 12 Xaagih raceena elle qaddoosennal Israa-ilik Naharsi malaak Binjamiin Natanyaaho Iraanat Maysattaka gexisaamak Maabitnâ Farmo Kaah ruubeh yanim Tiysixxige.
Israa-il Qande Iraanat Maysattaka gexissek Ameerikah doolat Israa-il Qaskariyyoh Qokol (Cato) abe waytam kee Israa-il Ameerikah Qokol Sinnim kaxxa Gibdaabinittet Culelem Yiysixxigem warsan.
Taturteh tan namma Ayroh addat Ameerikah Prezidanti Israa-ilik Naharsi malaakak Iraan Israa-ilit abteh tan maysattakak Canê gacsi maysattaka akah abe waan innah Essereh Sugem takkay immay Israa-ilik Naharsi malaak Donald Trumpih Yab cinak Israa-ilik Qaran Qande Iraanat maysattaka akah abtannah Amri Tatrusak Israa-ilik Qaran qande Iraanak Inaytâ magaala Tahraanat Msysattaka Gexisseh tanim Kassinna.
Iraan kee Israa-il Awayî Saaqat Meysissô farmooma Sittah Ruubak geytimaanam Takkay immay Maysattakooki Sittat abe waanam Namma baaxok Fayyo miraaciini Qaddoosak geytima.
Ameerikaa kee Iraan Paakistaan doolatih malakmisiinuu kee Makaabannal Walal gexisak geytimaanam Qaddoosen.
Ameerikah Prezidanti Donald Trumpi Israa-il doolat Iraanal Abam faxak Sugeh an kaxxam gibdih tan maysattakooki caddo addah akah haytannah kaxxa macal abam Yiysixxigem kee Israa-ilik Naharsi malaak Binjaamiin Natanyaahot akah Xukkutanna(Amuusennah) Fanti maacih Baaxooxah miraaciini Yoo Esserak geytima axcuk yaabem warsan.
Donald Trumpi Israa-ilik Naharsi malaakak Nanu awakti Ossatinâ carbi mafanxaay, Carbi Abtuh Idni koh manaca axcuk Yaabeh yanim Yiysixxige.
Israa-ilik Naharsi malaak Binjaamin Natanyaaho Cizbullâ gaadulet abah yan Maysattaka bisoh heelem Donald Trumpih Warseh yanim Qaddoosen.
