Tigray
Cuwaacat Teyyeeqeh tan Maybalaalaqal elle qaddoosennal Itiyoopiyal Leeda missoyna miraacissah tan Doolat Tigray Ummattal Samad Baysi Carbi fakak Tigray Ummattah kinne bayissuh mangoh tan macalitte abtem takkay immay Tigray Ummatta Inkittiino Isik maqarroosak Abteh tan Koositiik Gexxaamah Itiyoopiyah Xinto Pritooriyah Sittin abtuh Dirkisseh Sugtem Kassiisak Awayih Udduur Itiyoopiyah Doolat Pritoriyah Sittin geyit Aaqatuk (Finqisak) Samad baysi maaqattooti Qimbisseh geytimtam Tiysixxige.
Tonnaah Tigray rakaakayih Moddaqiinoh Gubat Sugteh tan boolul 40% Takkeh tan Tigray Baaxok Tigray ummatta Diiriyak Miyoonaatal Loowintah tan Tigray Xaylo Dabboh Xiina abteh tanim Qaddoosse.
Tigray Rakaakay Salaam Waysiisoonuh Tigray Ganteh gexxeh tan Buttah Qafár Dariifaa kee Ayrô culmâ Tigrayak Sellemtih Dariifal Qaskariyyoh caddol xisak Tigray rakaakayal Qagaaqagitak Qarbi absiisak geytimaanam kee Itiyoopiyah Doolat Qagaaqagisak Diroonittê maysattakooki gexisak geytimtam Cuwaacat Missoyna Teyyeeqeh tan maybalaalaqal Diggoosse.
Itiyoopiyak Leedâ Xinto Tigray rakaakayak Affará kaalibil Mango tan Qande Gaaboosak geytimtam Aysixxiguk Tigray ummattaa kee Cuwaacat(TPLF) missoyna Itiyoopiyâ luk leh tan Kookaxaw Salaam Gitaak Tafdiguk macalak geytimtam takkay immay Itiyoopiyah Xinto Tigray Ummatta Baysekkah ruffa axce waytaamih Taagah Tigray ummatta bayissuh macalak geytimtam Tiysixxige.
Tigray Ummattaa kee Cuwaacat Missoyna Itiyoopiyah Xinto Tigray ummattat abtam faxxah tan Samad Baysat Koosittuh Inkittiino Maqarroosak Koositeloonum Tescesse.
Tigray Rakaakayak Koosit Exxaaxi Duma luk Sugteh tan Coocitte missoosak Kaxxam maqar le Caddot geytimtah tanim kee Tigray ummattat Booddah tan Gibdaabinittet koosittuh Gulguluh tanim Qaddoosse.
Iroo kee Addal tan Tigray ummattak Tigrayat Booddam faxxah tan Qawwalaylat Koosittoonuh Inkittiino Isinnik maqarroosak Tigray Ummattah Kinnaane Diggoossoonuh Tangiicilleenim faxximta axcuk Farmo Tatrusse.
