Qafár Rakaakaya
Samarâ jaamiqat matbaqat akak abteh tan ta kusaq Samarâ jaamiqatak kusaqay kee teknolojih tabaatabsak ciggila peresedentih yan Gifta Adam Qali Kabbo Rakaakayak culenti biirok Naharsi saqal Gifta Awwal Qabdu tabsam abe.
Ta kusaq 39 daqaaray 5 Magaalah Xiinissosa kee baxabaxsale biirora edde anuk culenti gaaboysol missoweh yan kusaq 3 afah axcih Qafar afaay,amcari af kee Englizih afat missoweh yanim qaddowte.
Rakaakayak culenti biirok Naharsi saqal Gifta Awwal Qabdu iyyemih Ta kusaaqak qimbô madma culenti Gaaboyso xaloot kusaaqisaanam kee fooca fan culenti duddah yaysiisonuh edde doqaysimenih yanin cogda kinnih tanim qaddoose.
Rakaakayak culenti gaboysoo kee xiinissô siirat qasriino fan akah korannah madqa kee maqatta(callite)xayyosonu kinnih tanim ascasuk ta kusaq gaba kalah yan udduruh ugtuma akkuk culenti gaboysoonuh dudda maqarroyselonum yescesse.
Samarâ jaamiqatak kusaq kee teknolojih tabaatabsak ciggla peresedenti daqoritil yekkeh yan kusaqal kulli daqar culetak geysiisam duudam magide kinnim caddook caddoh daffeysak faxxima kusaq yekkeh yanim qaddoose.
Ta kusaq ta caddo gufuh keenî luk cattimteh tan Culeti biiro Gadda gacisak foca fan tabisle taama kee kalah tan taamoomi sittâ luk abak gexelonum yescesse.
Raceena: Afar Mass Media Agency
