Suudaan xaagu
Suudanak Kalali qande Elle Tiysixxigennal Chaad Cuduudut (madut ) raqtah tan Kaxxa Istiraateeji leh tan Kulbus magaala Lowsiisseh tanim kee Suudaanak Kalalí qande Ayrô mawqâ darfuurih dariifak kaxxa muhimmik tan magaala Sissik Qokolih qandek Caylat raaqisak Lowsiisseh tanim Diggoosse.
Gersi gambik Sudaanak kalali qandee kee Kalali qande Qokoltah tan gaadile Sittâ luk cattiimak Chaad Cuduudut Raqtah tan baxaabaxsa le Dariifa Lowsiisseh tanim Tiysixxige.
Sudaanak kalali qandee kee Kalali qande qokoltah tan gaadile Sittâ luk cattiimak teyyeeqeh tan maybalaalaqal Chaad Cuduudih dariifal kaxxam gibdi carbi gexiseenik lakal Ayrô culmâ darfuurul geytimtah tan Kaxxam muhimmik tan Magaala Lowsiiseenih yaniinim Qaddooseenim kee Tama Carbil Sissik Qokolih qandek Sadayti Caylaa kee Ikol kaxxa Khasaara Toofeh tan kee mangoh tan Silaacitte lowsiiseenih yaniinim Tescessen.
Suudaanak Kalali Qande Chaad doolat Sissik Qokolih qande Sirrih (addaak)qokolak geytimta axcuk mango uddduruk Chaadak wayto Xayyoosak geytimtam kee Chaadat cuduuduh raqta kaxxa Istiraateeji leh tan dariifa lowsiissuh macalak geytimtam Yescessen.
