Imaaraat
Abu Dabil Geytimtah tan Itiyoopiyah Imaabsi Elle Tiysixxigennal Dubayak Tellemmô malah buxah adoytiitih tan Shirkatitte Itiyoopiyal Maaliyyaa kee Bankitte langittel Taamittuh Taakume bicitte abak geytimtam Qadoosen.
Tengele Qaran Imaaraatal Itiyoopiyah Ambaasadderih yan Jamaal Bakri Dubayak Tellemmô malah buxah Prezidantih yan Macammad Qali Raashidî luk walal gexiseh yanim Yescessen.
Itiyoopiyah Imbaasi elle Tiysixxigennal Tama Walal akah gexiseh yanim Dubayaak tamaateh tan Investimentitteh Caagiida missoosuy koobaahossô taamoomi abuh gexseh yan walal kinnim qaddoosen.
Dubayak Tellemmô malah buxah Saqalah yan Macammad Qali Raashid 36 Tekkeh tan Tellemmô malah buxah adoytiitih erga miraacisak Addis ababat Taamâ gufne abeh yanim kee Itiyoopiyal Away abteh tan madduur maysaasah maaqattooti Irô baaxooxah Investerwa Itiyoopiyal Investimenti abtuh kaxxa Saami ginniimeh yanim Yescesse.
Tohuuk Ugutak Dubayak tellemmô malah buxah gubat raqtah tan Kaxxa Kaxxa Shirkatitte Itiyyopiyak Maaliyyaa kee Bankittê langittel taamitelem kee Tama langitte Investimenti Aboonuh bicsitak geytimaanam Diggoose.
