Baad Xaagu
Ameerikaa kee Kuubak Qaskariyyoh miraaciini Gantanaamok Baddi qande fanteenal angoorowuk walaleenih yaniinim Yescessen.
Ameerikak Gabbí qaxih Macaxi (Southcom) qandek Saqalah yan Generaal Faransiis Fonovaan kee Kuubah Qandek Saqalak teenah Letnal Generaal Roberto Solotongo angoorowuk walaleenih yaniinim Yiysixxigen.
Namma baaxok Qaskariyyoh miraaciini Ameerikaa kee Kuubak Amni caagiidal Fidin walal gexiseenim qaddoosen.
Kuubah Kalalí qandeh malaak abeh yan yaabal Namma baaxok Qaskariyyoh miraaciini angoorowuk abeh yan walal meqe xaloot baahelem Yiysixxige.
Ameerikaa kee Kuubah Qande Fooca fanah tanih tan Angaarawotte maqarroosak taamitoonuh sittin gey abeenim Yescessen.
Ameerikaa kee Kuubah Qandeh miraaciinu angoorowuk walal gexisseh tanim Ameerikah Prezidanti Donald Trumpi Kuuba Lowsiisenno axcuk Qagaaqagitak Meysiissô farmooma ruubak Geytimah yan Udduur kinnim Warsan.
Donal Trumpi Kuuba fanah Gexxah tan Siraglelee Teetik Hoorak Kuuba Siragleleê caddol kaxxa Taqabih addat geytimtah tan udduur abaanah yanin walal kaxxa Tuxxiiq geysiise waam Siyaasâ mekeekiseenit Qaddoosak geytimta.
Ameerikak doolat Ameerikak Aytî buxah missoynaanih Taama abeenit Kuuba fanah Rubteemiik ugutal Ameerikaa kee Kuubah fanal Sittin gey yakkem hinnay Ameerikah doolat Kuubak Oytitte Gaaboosaanamih taamooma abak geytimta axcuk Kuubah miixiyaayi Ameerikaa kee Kuubak Qandê miraaciinih fanal akkuk geytimtan Walalitte sadak geytimta Yescessen.
Ameerikak Qandê maraakib Kuubal Xayih yan Badal angayyuk geytimtaamaak ugutak Kuubah Amnil Kaxxa Bohoy ginniimeh yanin Kuubah miraaciini qaddoosak geytima.
Ameerikaa kee Kuubah Qandeh fanal yekkeh yan walal lafa luk kaxxa hangi akah yeceem Baddi Nagay aniinaay(baddi amniiy) Ameerikaa Kee kuubah fanal uguttah tan Kookaxawitte mannal calli geysiisaanam faxximtam kee Namma baaxok Qandeh adoytiitih amni elle dacrisaanam faxximta gitittel walaleenim kee Namma baaxoh qande baxaabaxsa le caagiidal sittâ luk cattiimak taamitoonuh walaleenim Yiysixxigen.
Ameerikaa kee Kuubak Qandê miraaciini Walal elle Gexiseh yan Gontanaamo 1903 Ameerikah doolat Kuubak Caylat raaqisseh tan baaxo kinnim Tamixxige.
