Ameerikaa kee Iraan xaagu
Iraanah Doolat elle Tiysixxigennah Tu gactek Ameerikah Prezidanti Salaam Sittin gey Asaakî caadah abenno axcuk Daffeeseh yan wakti dirabboossem kee Tamaate Ayroorah Salaam Sittin gey Akkele axcuk yaabtem Qaddoosen.
Donald Trumpi abeh yan yaabal iyyeemih Ameerikaa kee Iraan Salaam Sittin gey abtaamaak lakal Inki ayroh addat Hormoz badih Tabeena Fakkiimeleeh Siragleleê maraakib Hormoz gitaak Hebeltô taqabitte sinnim Currih Tabelem Yiysixxige.
Iraan doolat Ardi addal (Baaxoh addal) Toogoqeh geytimtah tan Nukleer Silaacitte akak bicisaanam duudan Yuraaniyeem Fooca fanah Ameerikah Doolat Ayyaaquk Beelem Yiysixxige.
Gersi gambik Iraanak Irô caagiidah malaak Qabbaas Qaragji elle qaddoosennal Ameerikah Doolat Iraanak Katlâ xibix migaaqal Tabbixeh tan 12 bilyoonih Dollaar Fooca fanah Rubtam faxximtam Yescesse.
Israa-il doolat Gabbi Qaxih Lubnaanat Gexisak geytimtah tan Maysattakookiik gexxaamah Iraan kee Ameerikah fanal Yakkem faxah tan Salaam Sittin geyil Adaf akkeleemih bohoy yanim Yescessen.
Paakistaan doolat Ameerikaa kee Iraan Fanal takku waah yan Salaam Sittin gey Elektirooniik Gitaak akkelem Tiysixxigem warsan.
