Soomaalilandih xaagu
Israa-il Doolat Soomaalilandih Doolatiinuh Mamaaxaga teceemiik lakal Soomaalilandih Prezisanti Qimboh addah Israa-ilit Taamâ Gufne abeh yanim Tixxige.
Soomaalilandih Prezidanti Israa-il fanah abeh yan taamâ gufne wagittaamal Soomaalilandih prezidantih maktab kee Soomaalilandik Irô caagiidak Malaakak tewqeh tan Oytitte ane waytam Takkay immay Israa-il Xaagih raceenaanii kee kalah tan baad Xaagih raceenaani Soomaalilandih Prezidantik Taamâ gufne Wagsiisak baar luk edde yaabak geytimaanam qaddoosen.
Soomaalilandih Prezidanti Qabdurracmaan Macammad Qabdullaahi Tamaate Ayroorah Israa-ilit Taamâ gufne abele axcuk qambaalak Sugeenim takkay immay Amok radah asaaku Taamâ gufne abeh yanim Yescessen.
Soomaalilandi Qadan Khaliij kee Gabbi qaxa badat raqtah tan baaxoy kaxxa Istiraateeji le kinniimih taagah Mango baaxooxa Soomaalilandî luk Qusba angaaraw ginoonuh macalak geytimaanam Yescesse.
Israa-il doolat Iraan Qasa badih dariifal abak geytimtah tan gabâ culsat koosittuuy, Qasa badih dariifal isih faxxah tan caagiida abbinoossuh Somaalilandih doolatiini mamaaxaga Yaceenimih Qimbô baaxo tekkeh tanim Qaddoosen.
Qasa badih Dariifal Baxaabaxsa le angagiyya abak geytimtah tan cuutî gaadile Qasa bad kee Hindí badal Abak geytimtah tan Qaskariyyoh Angagoyyitte Israa-ilil kaxxa bohoy yekkeh geytimaamih taagah Israa-il Soomaalilandil Qaskariyyoh fanteena haytuh macalak geytimtam qaddoosen.
Soomaalilandih Prezidanti Israa-ilit abah yan Taamâ gufne Dariifal Siyaasâ taqabitte kataaselem Siyaasâ tu taaxago ascassuk geytimta.
