Tigray rakaakayih xaagu
Baadak Adam baxi cakki Tangiicille Human Rights Watch (HRW) Missoyna Teyyeeqeh tan maybalaalaqal elle qaddoossennal Tigray rakaakayih doolat Karmak (Qumrik) 15 Karma Gufe Wayteh tan Alaaqa Dirkih Qaskarat haak geytimtam kee Tigray rakaakayih doolat Sanat 2026 April Alsaak xabba haanam Duma Tigray Qandet Sugeh yewqeh yan Qunxaaneytaa kee Baxow kee Labha Qaskariyyoh Dirkih (caylah)beyak geytimtam Tiysixxige.
Adam baxi cakkih tangiicille Human Rights Watch (HRW) missoyna Asaakih Ayro Teyyeeqeh tan maybalaalaqal Tigray rakaakayih doolat Qunxaaneyta Qaskariyyoh beytuh Tatrusak geytimtah tan Dirkissô margaqaak gexxaamah Tigray rakaakayih Ayyuntal kaxxa bohoy meysî caaloota Ginteh tanim Yescessen.
Adam baxi cakkih tangiicilleh tan missoyna elle baxxaaqissennal Tigray rakaakayih qande Gabqasa gititteey, Taamah aroocaa kee Maqaadin Ayyaaqiyyih arooca fanah amok radah gexak Qunxaaneyta Dirkih Tibbixeh tanim Qaddoosen.
Human Rights Watch (HRW) elle qaddoossenal Tama Oytitte akak Kobxisseh tanim Tigray addal geytimah 18 yakke marak gaaboosseh tan Oytitteek ugutak Teyyeeqeh tan Ripportil Diggoosse.
Adam baxoh cakkih Tangiicille Human Rights Watch (HRW) missoynak Afrikah Exxah Saqalah tan Tigray rakaakayih doolat Away qimbisseh tan baatilih tan taamoomiik gexxaamah Tigray rakaakayal kaxxa bohoy (meysi) ginnimteh tanim Yescesse.
Tama missoyna Tigray rakaakayah Tatrusseh tan Farmol Tibbixeh tan Qinxaaneyta Sissiguk cabtam faxximtam Kassoosse.
