Baad Xaagu
Ameerikah Maaliyyah maktabih Oytitte elle qaddoossennal Ameerika Iraanak Tabbixe gadda Qarab baaxooxak Carbi Finqitteh tan Aroocah bicsiyya edde abelem Yescessen.
Ameerika Iraan Lakqot Qarab baaxok Rakiibô daddoosih fanteenaani edde bicissek Iraan Fanti maacat abtah tan maysattakooki Lafsiisak lafsiiselem Yescessen.
Ameerikak Maaliyyah maktabih miraaciini elle qaddoosennal Qarab baaxooxat toofeh tan Finqittee kee Khasaara kusaaqisak Toofeh tan finqitte Ameerikak Maaliyyah maktabah Gabbaaqu (riporti) Xayyooseloonum Warsan.
Ameerikah doolat Tannah Ikraaro akah daffeessem Iraan Bacreen kee Kuweetit Abtah tan maysattakooki Maqarroosak gexxah tan udduur kinnim Qaddoosen.
Suquudiyaay, Qhatar kee Imaaraat Iraan maysattakookit kaxxa Finqitte edde toofeh tan baaxooxa kinnim Yescessen.
Iraanak Taham fanah 120 Bilyoonih Dollar takke Katlâ xibix Irô baaxooxal Akah angagayye waytannah teetik Yibbixeenih geytimtam Qaddoosen.
