Iraan kee Ameerika
Ameerikah Qandek Abaachi Deqsittah tan Helikopter Hormoz tabeenah Dariifal teetit tekkeh tan maysattakat Raddeemiik gexxaamah Amerrikah Qande Iraanak Baxaabaxsa le fanteenaanit Maysattakooki gexisseh tanim Tiysixxigem kee Tama Maysattakooki Iraan Kee Ameerika duma abteh sugteh tan Girâ soolô sittin geyil kaxxa bohoy kataassam duddah tan Maysattaka kinnim Diggoosen.
Ameerikah Qandek Geyne Oytitte axcuk Al-Jaziirah xaagih raceena elle qaddoossennal Prezidanti Donald Trumpi Hormoz dariifal kattaat taamoomi abak temeeteh tan Ameerikak Qandeh Helikopter Iraan nek Qidde axcuk yaabeh yanim Qaddosak Ameerika Qande Isik koosittuh abteh tan maysattakooki Kinnim Yiysixxige.
Iraanah Tu gactek ameerikah Qande Maysattaka abtuh Ginteh tan Sababitte dirabboosak geytimtam Warsan.
Ameerikak Qandeh Helikopter Hormoz dariifal raddeh tanim kee Ameerikah Prezidanti Ayyuntiinô retteemal Tatruseh yan farmol Iraan Abteh tan baatilih gabâ gacsa geele axcuk yeebeh sugem kassiinna.
Iraanak Hormoz dariifal raddeh tan Ameerikah Qandeh Helikopterih addat suge namma qaskariita Cateenih yaniinim Ameerikah miraaciini Yiysixxige.
Ameerikak fanti macaxi ((CENTCOM) elle Qaddoosennal Ameerikah qande Gexisseh tan Canê gacsi maysattakal Iraanak Gabbi qaxih Saacilit Geytimtah tan Qaran koositih silaacitteey Oytitte Gaaboossah tan Raadarittee kee Misaa-ilittê lowsiisih fanteenaanit maysattaka gexiseenim Qaddoosen.
Royters Kee kalah tan baad caddoh Xaagih raceenaani elle Tiysixxigennal Hormoz dariifal Geytimtah tan Qhashiim Gadrwaa kee Bandar Qabbaas Deqsittah tan dariifal Bambittê bakaqih Xongoloola Tontoobben yescessen.
Iraanak Irô caagiidah malaak Qabbaas Qaragji elle qaddoosennal Iraanat Takkeh tan faxe weeloh tan maysattakooki Gabâ gacsa sinnim Raaqe waytam qaddoosak fanti maacal geytimtah tan Ameerikah qande Tawqem faxximtam Yescesse.
