Suudan xaagu
Suudaanak Siyaasah exxaaxi edde Tengeleh tan Gudgud Gexsitem kee Suudaanal Carbi elle Soolisaanam Xiqaanah yanin gitittel sittin gey abeenih yaniinim Qaddoosen.
Tama Gudgud Koobaahissem Galli maroh eglaay, Afrikah inkittiinoh eglaay Awroppah inkittiinoh eglaay, IGAD missoyna kinnih tanim kee Tama Koboxul Suudaanak Baxaabaxsa le Siyaasah exxaaxi Awayih Udduur Suudaanal tan caalootal Fidin walal gexseenim Yescessen.
Suudaanak Tama Koboxul Geytimteh tan Siyaasâ missoynaanih Tu Gactek Sumoud Alliance Deqsittah tan Missoynaay, Suudaanak Dimokraasî Partiiy, Qarab Socialistih Missoynaa kee kalah tan Partitte edde tengeleh tanim Diggowte.
Addis ababah Kiboxul Tengeleh tan Siyaasâ missoynaani Kimaalî Khamiisih Teyyeeqeh tan maybalaalaqal Suudaan away tan Caaloota kusaaqisak Siyaasâ gexsitittee kee Salaam walal gexisoonuh Makaado Xiseloonum Sittin gey abeenim Yescessen.
Suudaanak Siyaasâ missoynaani Addis ababal tama Kobox akah gexissem Suudaan yan carbi Soolisaanamaay, Koonaqabi yaabitte kee Keddaaminnut koositoonuh Koositak Walal kee Agaarad Qaadoodi maqarroosoonuh taamiteloonum kee Tonnaah Carbiik gexxaamah Ayyunti addal ginnimteh tan Baxaabaxsa le Taqabitteh calli geysiisoonuh Macaleloonum Qaddoosen..
Takkay ikkah addis ababah walalat Tengelem Suudaanak Inkih tan exxaaxi Akke waytaamih Taagah Daffeynak raqteh tan Siyaasâ missoynaani Addis ababal daffena gexisseh tan Siyaasah exxaaxil adaf takkeemih bohoy yanim Qaddoosen.
