Tigray xaagu
Tigray rakaakayih Xinto Teyyeeqeh tan maysattakal elle Qaddoosennal Tigray rakaakay kee Itiyoopiyak faederaal doolatih fanal Pritooriyal Salaam Sittin gey yekkeh sugem takkay immay Itiyoopiyah doolat Tigray Ummattat Samad baysa abtuuy Tigray qadiddo(madduur) finqissuuuy, Tigray Ummatta le Dabqik Dufussuh Pritooriyah sittin gey Xabanah (gambih) cabak Tigray ummattal Qagaaqagisak baatil baahak geytimtam Qaddoosse.
Tigray rakaakayih xinto Teyyeeqeh tan maylaalaqal Elle diggoossennal Itiyoopiyak Qaran qande June alsak 6/2026 Kilbattí Ayrô mawqah Tigrayak Shiraaroh dariifal Diroonittê maysattaka Gexissem kee Dariifâ dacayrit sugteh tan Tigray qandeh Adoytiit qiddeh tanim kee Tonnaah Muddeh tanim qaddoosak Takkeh tan maysattakat baxaabaxsa le Iko Edde finqitteh tanim Tiysixxige.
Itiyoopiyak Federaal doolat Pritooriyah Sittin geyit Aaqatuk Baxaabaxsa le Tigray rakaakayih Dariifat Qagaaqagisak maysattakooki gexisak Temeetem Tama maybalaalaqal Qadddoosen.
Tigray rakaakayak Baadal Taybulle Tatruseenih yanin Tigray rakaakayih maybalaalaqal Elle qaddoosen innal Tigray rakaakayih moddaqiinoh gubat sugteh tan baaxo Bukkoh gabat yabbixeenim kee Too dariifal Sugteh tan Tigray Xaylo mango udduurah Dabboh Xiinâ fanteenaanil Geytimtam qaddoosak Tonnaah Tigray rakaakayak Siragleleey, Xaylaa kee lakqo Waasak Tigray rakaakay kaxxa taqabih addat culuseenih geytimaanam axcuk Yaabte.
Itiyoopiyak federaal doolat Tigray rakaakayal Qusba carbi abtuh Macalak geytimtam axcuk Yescessen.
Tigray ummatta akak fuffumteh tan dariifa fanah taduuruuy Qadaalat Diggoossuh macalak geytimtah tan Udduur Diroonittê maysattaka keenil gexisaanam kaxxa baatil kinnim kee Tigray rakaakay abtah tan Sabri Meysi akkale waanam Faxximtam Tama maybalaalaqal diggoosse.
Tigray ummatta Duma Baatil keenil baahak temeeteh tan Xintootat koosittem Qaddoosak Fooca fanah Tigray ummattat Takkeh tan Xukko Raabite (Oggole) waanam Qaddoosen.
Tama maybalaalaqak ellexabol Diroon maysattaka Elle tekkeh tan Shiraaroh ummatta Tigray qandeh abteh tan Qokoluh Gadda gacisna inte.
