Aygadgad Kee Xisnê Qokolih Kutbeh Buxah Koobaahissol Baad Bankik Geytime 66 Miliyoonih Birrit 3R-4-CACE Cugaysoh Abbinoosul Bicteh Tan 13 Takke Daddoos Fanteenaaniy Carbit Finqitteh Sugtek Qusba-Addah Xiseenim Kee Asqassaabe Kak Tekkeh Tanik Dooqaysô Taddeera Gexsen.
Tama Aracal Rakaakayak Ciggiila Prezixentiiy Ardi Xinissoh Biiroh Saqal Gifta Qumar Nuur Qarba kee Leeda Partik Qafar Rakaakayih Luddih Kutbeh Buxah Saqal Macammad Cuseen Qaliisa Edde anuk Rakaakayaay, Rasu Kee Daqaar Miraaciinuuy Ayyunti Exxaaxi Edde Tengele.
Ciggiila Prezdentiy Ardi Biiroh Saqal Gifta Qumar Nuur Qarba Tatruseh yan farmol Doolat Xisseh tan Daddoos Fanteenaani Dacrisaanah Hanaawisaanam Ummatta Masquuliyyat Kinnim Kassiisak Konnabi Aydaadul Tamixxige Ummatta Kee Baaxo Kinnim Yescesse.
Qafar Rakaakayak Carbit Biyaakittem 23 Daqaar Kinnuuk Aygadgad Kee Xisnê Taamoomi 5 Daqaaral Akkuk Geytintam Yescesseh Yan Rakaakayak Aygadgad Kee Xisne Qokolih Ku Buxak Naharsi Saqal Gifta Nuuraddiin Saddiiqh Iyyeemih Konnabal Doooqayso Kak Tekkeh tan Cugaysoosak 6 Takkem Baritto Buxaaxiiy , 4 Qaafiyat Fanteenaaniiy Tonnah 3 Takkem Kaaduk Saytun Maqab Leeh Cugayso Kinnih Tanim Kee ta Cugaysoosa Amoladih 47,436 Takke Ummattah Ayfaafay Aceelem Diggoose.
Leedâ Parti Ummattah Abak Geytimta tan Daddoos Taamoomi Foocah Haak Gexelem Yescesseh Yan Kilbatti Rasuk Naharsi Saqal Gifta Macammad Qali Ascab Konnabi Ummatta Keenih Tekkeh tan Daddoos Taamoomi Dacrisaanam Faxxintam Kassiise.
Receena: Fana Qafar afih exxa.
