Qasa badih dariifal Geo-polotikah caaloota milaagimak geytimtah tan awayih udduur Eretriyak Irô caagiidah malaakah yan Qusmaan Saalic Kimaalî khamiisih Asmarâ magaalal Qhatarak Gaanim Binu Macammad Miraacisah Diplomaasih ergâ luk walal gexiseh yanim Qaddoosen.
Eretriyaa kee Qhatar Miraaciini abeh yan walalal Eretriyaa kee Qhatar Fanah yanih yan fantaaxaw kee qalla elle maqarroosan gurral walaleenim Yescessen.
Eretriyaa kee Qhatar Miraaciini fanal yekkeh yan angaaraw wagsiisak Yeyyeeqeenih yanin maybalaalaqal Namma baaxoh fanal yan angaaraw maqarroosuunuh Yekkeh yan walal kinnim Baxxaaqiseenim takkay immay Eretriya Qasa badal Leh Tan Kaxxa Istiraateejii Kee Qasa badih Dariifal leh tan Doori Cubbit Haak Qhatar doolat Eretriyah doolatâ luk Qusba Angaaraw ginak geytimtam warsan.
Qhatar Doolat Qasa badih baaxooxâ luk Maqar le angaarawitte ginak geytimtam yescessen.
Qhatar kee Eretriyah miraaciinih fanal yekkeh yan angaaraw wagsiisak Siyaasâ mekeeliseenit elle qaddoossannal Eretriyah doolat Diplomaasî caddo Isik Dadlisak Dariifâ baaxooxâ luk Qusba angaaraw kee Ginak geytimtam baxxaqisen.
Qhatar doolat Awayih Udduur Qasa badal ginniimak geytimtah tan Caalootaa kee Qaxok-qaxiital Angaluk geytimtam warsan.
