Suquudi Qarabiya Baddi Tellemmoh Angaaritte baarissuh Djiboutii kee Qummaan fan yasgooroweh Qasa badal Qusba gita bicissuh Ikaarisseh tanim Qaddoosen.
Suquudiya Qasa badih baaxooxâ luk Angaaraw maqarroosak sanat 2030 Red Sea Express diqsitah Qusba gurral Qasa badal Maraakib Merraytih ayfaafitte Tacayuh Ikraaro Diffesseesak Taamitak geytimtam Tiysixxige.
Suquudiya Daffeesseh tan Ikraarok Qimbô hadaf Djiboutî marsoosaa kee Qummaanak Salaalah marso edde anuk Qasa badat raqtah tan Marsoosaa kee kalah Khaliij Qarab Marsoosa Tasgoorowuk Ikraaro daffeesak Macalak geytimtam Qaddoosse.
Suquudiyah Marsoosah Abbootan Yanbuquk Malik Fahdih Marsoo Masrik Qayni Soknah marsoo kee Tonnaah Jurdaanak Qaqhabah marso sittat Tasgoorowuh taamtak geytimtam Yescessen.
Ossatinah Jiddâ furda Qummaanak Salaalah furdaa kee Djiboutî marsoosa Qusba Gurral asgoorowuk Taamittaamih fayxi lem Qaddoosen.
Suquudiyah miraaciini elle qaddoosennal Suquudiyak maraakib merraytih taamaa kee Loojistiik dudda isik Taysiisuh Qasa badat raqtah tan baaxooxâ luk Qusba angaaraw ginak Taamitelem Yiysixxigen.
Suquudiya Awayih udduur baxaabaxsa le Furdaadî luk Qusba fantaaxaw kee Qalla ginak Baadak Loojistiik Kee Tellemmô fanteena Takkuh macalak geytimtam Qaddoosen.
